粤语 童谣 对广东人来说意味着欢乐与怀旧,大家还记得多少首?以下是我为大家整理的粤语童谣，希望对大家有帮助

　粤语童谣精选

　【月光光照地堂】

　月光光，照地堂，

　年卅晚，摘槟榔，

　槟榔香，摘子姜，

　子姜辣，买菩达，

　菩达苦，买猪肚，

　猪肚肥，买牛皮，

　牛皮薄，买菱角，

　菱角尖，买马鞭，

　马鞭长，起屋梁，

　屋梁高，买张刀，

　刀切菜，买箩盖，

　箩盖圆，买只船，

　船浸底，

　浸亲两个番鬼仔!

　一个浮头(一个摸慈姑)，

　一个沉底(一个摸马蹄)。

　【月光光照地堂】

　月光光，照地堂，

　虾仔你乖乖瞓落床，

　听朝阿妈要赶插秧咯，

　阿爷睇牛佢上山冈。

　虾仔你快高长大，

　帮手阿爷去睇牛羊。

　月光光，照地堂，

　虾仔你乖乖瞓落床，

　听朝阿爸要 捕鱼 虾　!

　阿嫲织网要织到天光。

　虾仔你快高长大，

　划艇撒网就更在行。

　月光光，照地堂，

　年卅晚，摘槟榔，

　五谷丰登堆满仓　，

　老老嫩嫩喜洋洋啊，

　虾仔你快啲眯埋眼，

　一觉瞓到大天光啊

　粤语的经典童谣

　【氹氹转，菊花园】

　氹氹转，菊花园，

　炒米饼，糯米圆。

　阿妈带我睇龙船。

　我唔睇，睇鸡仔。

　鸡仔大，捉去卖。

　卖得几多钱?

　卖得三百六十五个仙。

　【排排坐，食粉果】

　排排坐，食粉果，

　猪拉柴，狗烧火，

　猫儿担凳姑婆坐，

　坐烂个屎窟唔好赖我，

　赖翻隔篱个二叔婆。

　【大笨象，揸支枪】

　大笨象，

　揸支枪(臭松香)，

　去打仗(揸支竹仔去打仗)。

　打完仗，

　返嚟食碗辣椒酱，

　隔篱屋企烧炮仗，

　问你响唔响，

　唔响升你两巴掌。

　【又喊又笑】

　又喊又笑，

　乌蝇打醮，

　蠄蟧濑尿，

　老鼠行桥，

　行到西门口，

　畀人打啰柚。

　【落雨溦溦】

　落雨溦溦，

　水浸田基。

　田基有条蛇，

　吓亲大老爷。

　大老爷揸支枪，

　吓亲个缠脚娘。

　经典的粤语儿歌

　【卖羊卖咩】

　卖羊卖咩，

　卖到老鼠担遮。

　狗仔忙住去拉蛇，

　蛇摆尾，似风车，

　风车氹氹转，

　番鬼扒龙船。

　扒得快，好世界，

　扒得摩，无鼻哥。

　【肥佬肥揗揗】

　肥佬肥揗揗，

　买旧猪肉去拜神，

　行到半路屎窟痕，

　返到屋企瓜老衬。

　【拍大髀，唱山歌】

　拍大髀，唱山歌。

　人人都欺我冇老婆，

　嘀起个心肝娶几个。

　有钱娶个娇娇女，

　无钱娶个痘皮婆。

　痘皮婆，

　食饭食得多，

　屙屎屙几箩，

　屙尿冲大海啰，

　屙屁打铜锣。

　【萝卜头】

　萝卜头，点豉油，

　点得多，咸过头，

　点得少，淡茂茂。

　【河边有只羊】

　河边有只羊，

　羊边有只象，

　象边有只马骝仔，

　好似你咁样。

　【猪婆婆】

　猪婆婆，

　卖菠萝，

　卖畀地主做老婆。

　地主唔要佢，

　一脚将佢踢落河。

　执翻上嚟晕酡酡。

猜你喜欢：

1. 超经典的粤语童谣

2. 白话童谣 粤语童谣

3. 粤语童谣集锦

4. 爱国的童谣

5. 方言版童谣大全

6. 点虫虫虫虫飞童谣完整版